طباعة هذه الصفحة
الخميس, 09 كانون2/يناير 2014 17:23

بدها تجي "شعر بالعامية"

كتبه 
قييم هذا الموضوع
(0 أصوات)

شعر: سمير فليحان

بدها تجي

هيك الأمل إنها تجي ومتوجي

بحضن الدفا ومغنجي برموشها

ترمش رمش

ويلفق فؤادي ويرتعش

جن البرد والروح تنطر عالوعد

بدها تجي .. بدها تجي.. بدها تجي

ومل الملل من نطرتي

وخلص الدمع في شمعتي

والوقث عميمرق خلص

آخر نفس

والنوم بالجفن انحبس

واهداب عالساعة حرس

شوي بتجي .. بعد بتجي

ونط القلب من مطرحو

صوت الجرس .. معقول

معناها إجت

وشعشعت أنوار بكل الغرف

وهم انصرف

وزرار هال (( كيبورد ))

مشتاقه الحرف

ودب النشاط بمنزلي

كنت عارف إنها

لابد ماترجع تجي

تمت قراءته 927 مرات آخر تعديل على الخميس, 09 كانون2/يناير 2014 18:05
السويداء اليوم

فريق العمل في موقع السويداء اليوم

الموقع : www.swaidatoday.com